JS, Pesawaran - Bupati Pesawaran Dendi Ramadhona dikeni adok jama Suttan Negara Bukuk Jadi anjak Paksi Bukuk Jadi Tegineneng di lamban Redhy Jupai Ningrat pekon Gedung Gumanti Kecamatan Tegineneng, Pesawaran, Sabtu (02/01/2020).
Khatong pujajama dilom acakha sina, anggota DPR RI (Zulkifli Anwar), anggota DPRD Kab. Pesawaran (Yusak S.H), Kapolsek Tegineneng (AKP Abdul Roni S.H), Camat Tegineneng (Syahruddin S.Pd. M.M), Camat Negeri Katon (Rahmatullah), Tokoh Adat Lampung dan masyarakat.
Dendi Ramadhona dilom sambutan ne nyampaiko hakhapan khek tekhima kasih jama Punyimbang Tuha Khaja, Tuha Batin, minak muakhi seunyine.
"Sikindua delom acakha siji, secakha adat sikindua khadu dijuk kepekhcayaan, tanggungjawab secakha batin dijuk henguk penghanggum adok Umpu Bukuk Jadi, ulah sebab sina sikindua ngekhasa betanggungjawab secakha lahir khik batin delom khangka ngebina khik ngemajuko Adat-Budaya Pubian Telu Suku Marga Bukuk Jadi", hane Dendi.
Lanjut Dendi, ulah sebab sina sikindua Umpu Bukuk Jadi kilu bimbingan, arahan khik tuntunan anjak Punyimbang Tuha Khaja, Tuha Batin, Minak Muakhi seunyine Pubian Telu Suku untuk ngebudayako adat khik mengadatko budaya.
Penulis : Muda Setia
